Gæðastjórnun í mannvirkjagerð

Við hjá 7.is viljum leggja okkar af mörkum til að flýta þróun á innleiðingu gæðastjórnunarkerfa í mannvirkjagerð þannig að lágmarkskröfur séu uppfylltar af sem flestum sem fyrst. Takist það teljum við að fagleg vinnubrögð í starfsgreininni færist skör ofar.

Kröfurnar snúast fyrst og fremst um að hafa reiðu á gögnum og vista þau sem verða til og fylgja verkum. Einnig að tryggja að verkin séu unnin eins og á að gera. Gæðastjórnun snýst um margt fleira en að innleiða lágmarkskröfur, sem er þó ágætis byrjun á þeirri vegferð.

Gæðahandbók án endurgjalds

Á grundvelli greininganna, höfum við útbúið gæðahandbók fyrir hönnuði, byggingarstjóra og iðnmeistara sem við bjóðum upp án endurgjalds. Skjalinu er ætlað að hjálpa einyrkjum og smærri fyritækjum að uppfylla kröfur laga um mannvirki og byggingarreglugerðar um gæðastjórnunarkerfi.

Gæðahandbókin er upplýsandi um hvað þarf að gera til að uppfylla kröfurnar. Þeir sem nota hana verða að setja upp þau vinnubrögð sem þar er lofað samkvæmt eigin útfærslu.
Sérfræðingar 7.is eru að sjálfsögðu reiðubúnir að aðstoða fyrirtæki að vaxa frekar.

Við lítum svo á að með því að sækja skjalið samþykki þú eftirfarandi skilmála:

  • Gæðahandbók er til frjálsra afnota.
  • Öll notkun gæðahandbókarinnar er á ábyrgð þess sem hana notar.
  • Óheimilt er að selja efnið sem fram kemur í skjalinu