Helstu vottunarstaðlarnir eru ISO 9001 um gæðastjórnunarkerfi og ISO 14001 um umhverfisstjórnunarkerfi. Þessir staðlar eru samhæfðir og hugtakarammi þeirra á að vera eins. Aðrir staðlar sem eru samstæðir þessum stjórnunarstöðlum eru t.d. OSHAS 18001 um vinnuvernd og öryggismál starfsmanna í fyrirtækjum og ISO 27000 um upplýsingaöryggi. Þetta eru allt staðlar sem byggjast á hugmyndafræðinni um stjórnunarkerfi, þar sem fyrirtækið tekur ábyrgð á gerðum sínum og stjórnar þeim viðfangsefnum sem undir vottunina falla.

Dæmi um viðbótarkröfur er að finna í starfsgreinastöðlum eins og QS 9000 fyrir undirverktaka í bílaiðnaði. Þar er einnig til ISO skjal sem skilgreinir hverju þarf að bæta við ISO 9001 til að uppfylla kröfur QS 9000.