Hvað get ég gert fyrir þig?

Þegar ég er spurður hvað ég geri vefst mér tunga um tönn. „Ég er ráðgjafi“. En hvað gerirðu? „Ég hjálpa fyrirtækjum og stofnunum að bæta reksturinn“. Hvernig bæta menn reksturinn? „Með betra skipulagi, meiri aga, meiri athafnasemi, meira frumkvæði“. En stangast þetta ekki á? „Að vissu leiti. Það þarf jafnvægi áræðis og aga, frumkvæðis og festu“.

Stofnanir og fyrirtæki verða að vera alltaf í sókn, það þarf stöðugt að bæta reksturinn. Það hefst ekkert með kyrrstöðu.

Þroskað fyrirtæki/stofnun þarf oft meira áræði og athafnasemi til að breyta og koma á betra skipulagi. Það þarf að rífa hlutina upp svo eitthvað gerist. Hefðir eru ekki næg ástæða til að breyta ekki. Það þarf að spyrja sig: „Hvað leiðir til betri rekstrar?“

Sprotafyrirtækið þarf meiri aga á lykilþáttum til að ná samkeppnisforskoti. Ný starfsemi, sem ekki hefur náð að mótast, getur skilað tilviljanakenndum niðurstöðum. Það þarf reynslu til að vita hvaða þætti starfseminnar þarf aga.

Sem ráðgjafi aðstoða ég fyrirtæki við að  velja hvað skiptir máli fyrir árangur þess, hvort það er aukinn agi eða athafnasemi, frumkvæði eða festa.

 

Gunnar H. Guðmundsson, framkvæmdastjóri 7.is